Digwyddiadau

Ar ôl blwyddyn gyntaf lwyddiannus yn 2025, mae elusennau trais yn erbyn menywod yng Nghymru yn ymuno unwaith eto! Mae her Milltir y Dydd ym Mis Mai yn gydweithrediad rhwngWWDAS a’n chwaer-elusennau sy’n gweithio i roi diwedd ar drais yn erbyn menywod a merched yng Nghymru.

Dewiswch gerdded, olwyno, rhedeg, beicio, nofio neu hyd yn oed hopian eich ffordd drwy’r her ar gyfer WWDAS neu ar gyfer yr elusen o’ch dewis sy’n cymryd rhan. Milltir y Dydd ym Mis Mai, eich ffordd eich hun.

Pam cymryd rhan?

Cam-drin domestig, trais rhywiol, ffugiadau dwfn, pornograffi, cam-drin yn ystod plentyndod, aflonyddu rhywiol…Mae ym mhobman, mae’n gyson, ac mae’n gwaethygu.

Gyda’n gilydd, mae ein gallu ar y cyd i wneud safiad a chreu newid yn cael ei gryfhau.

Mae angen eich cefnogaeth chi arnom yn fwy nag erioed. Cefnogwch WWDAS a chymerwch ran yn yr her hon. Ni ddylai unrhyw un wynebu unrhyw fath o drais yn erbyn menywod, ac mae angen gwasanaethau cryf a chynaliadwy arnom er mwyn cael unrhyw siawns o wneud iddo stopio.

Fel diolch am gymryd rhan a chodi arian ar gyfer WWDAS, byddwch hefyd yn derbyn:

• Cefnogaeth gan ein tîm bob cam o’r ffordd.
• Mynediad i’n hadnoddau ar gyfer yr her gan gynnwys pecyn cymorth, ffurflen gwneud rhodd a thraciwr milltiroedd.
• Awgrymiadau gwych ar gyfer gwneud y mwyaf o’ch gwaith codi arian.
• Gwahoddiad i ymuno â’n grŵp her ar Facebook.

Sut i gymryd rhan?

Dim ond dilyn y camau hyn:

1. Crëwch eich tudalen noddi bersonol ar gyfer WWDAS https://www.justgiving.com/campaign/amileadayinmayforwestwalesdomesticabuseservice2026?utm_medium=CA&utm_source=CL
2. Gosodwch eich targed codi arian.
3. Cyrchwch eich asedau codi arian digidol.
4. Rhannwch eich tudalen a’ch cynlluniau gyda ffrindiau, teulu a chydweithwyr.
5. Cwblhewch eich 31 milltir ym mis Mai. Rhy hawdd? Dim problem – gosodwch darged mwy heriol a dechreuwch!

Unrhyw gwestiynau?

Os oes gennych chi unrhyw gwestiynau pellach am yr her hon, cysylltwch yn uniongyrchol.